Juleverkstad

Snart første søndag i advent. Kvar kom den ifrå? Og stova har blitt gjort om til hobbyrom. Likesom litt betre plass her nede…

Eg skal visst vere med på eit par julemesser. Så då var det berre å finne fram det eg hadde av julete stoff. No får eg endeleg bruk for dei metrane eg kjøpte på IKEA for nokre år sidan…

Har hatt litt vanskar med å bestemme meg for kva eg skulle lage. Har liksom ikkje noko signatur-produkt. Så då stiller eg med litt av kvart… Og eg får stadig nye idear, men det byrjar å skorte på tida.

Papirjulestjernene synest eg er fine…

Julestrømper kan vere kjekke å ha…

Og så blir det kanskje nokre vaser med heklepynt, babysko, sauar…

Så spørs det om dette er noko folk vil kjøpe… Første gong eg prøver dette her så det blir spennande.

PS: Oppskrifta på stjernene har eg sjølvsagt funne der ute. Desse vert kalla finske papirstjerner. Eg fakstisk sett dei laga av trespon. Men papir går også bra. Her er ei oppskrift på engelsk.

----------------------

Allmost December and time for Christmas fairs. I’m going to take part in a couple of fairs this year (my first time ), so I’m trying to make stuff now. November has been busy, so I will not have many, many things…

PS: Here is a pattern for the stars.

Koselege regnskyer…

Av og til er det kjekt med formingsoppgåver som høver til veret… I sommar/haust har det vore nok av regn, så då fekk eg lyst til å sette elevane igong med å lage kvar si sky med regndråpar.

Eg har sett mange variantar av slike skyer rundt i internett-verda, mellom anna her og her og her +++

Og elevane har vore flinke og tålmodige. Dette prosjektet har tatt nokre veker.

Først teikna alle si eiga sky. Den vart teikne av på filt og klipt ut. Rundt kanten sydde elevane med kastesting. Sjølvsagt blir det ekstra fint med tungesting, men det droppa vi denne gongen.

Eg hjalp dei med å sy igjen åpninga etter at dei hadde stappa vatt inni. Dei valgte sjølv kva fargar dei vill ha på dråpane, klipte dei ut og limte dei på sølvtråden. Litt skeivt her og der – men det er berre sjarmerande.

Nokre av gutane ville også ha på eit lyn. Litt ekstra sying for dei.

Eg hjalp til med montering av regndråpetrådane til slutt. Men mesteparten av jobben har dei gjort sjølve. Ikkje verst av ei tredjeklasse!

This has been the art project in my class this fall. A art project that matches the weather we’ve had…

The children did most of the work themselves – drawing their own cloud, sewing around it , stuffing it, choosing colours fro the rain drops, cutting them out from felt, glueing them on the silver yarn. I helped with a few details.

They’ve worked on these for weeks. And did a great job! And they’re in third grade (8 years old)!