Smil

Skulle ønske noko som dette skjedde neste gong eg er innom Oslo S...

Fredag allereie?

Kvar har det blitt av feriedagane?...

Vi slappar av og er saman. Fullt hus og stor jubel. På det meste 14 store og 12 små. Og ikkje er veret så dårleg heller. Litt sol og litt regn har det vore nesten kvar dag.

Ei søster og mannen kunne ikkje kome heim i påska, men det ordnar vi greitt med litt webkamera og slikt. Her har minstenevø ein liten prat med tante i Oslo.

Eg slappar som vanleg best av med litt handarbeid. No er eg er endeleg ferdig med Topstykket mitt. Det endte med at eg laga det litt lenger enn oppskrifta. Så det blei meir tunikafasong.

På øya har sauane fått lam. Dei er som alltid like søte.

Niese H spurte så fint om tante kunne strikke ein kylling, så då bar det ut på handletur etter gult garn.

Og etter ei stund var kyllingen der. Fritt etter eige hovud, men med inspirasjon frå mange stader. Dagen etter kom det ein kylling til. No har største kylling reist sørover, men vi har fått selskap av ein lilla onkel (som sikkert let seg fotografere i morgon). Rykta vil ha det til at det muligens dukkar opp fleire fjørkre også. (Kanskje nokon med filmkarriere også.) Vi ventar i spenning... Som de ser har dei tatt godt for seg av påskegodtet...

Easter-holiday at my parents house. Most of my siblings and their families are here. At most we were 26 people in the house. A little less now, but still plenty of people, noise and fun. I'm doing some crocheting. My niece asked for a chicken... I've made three so far. And I've finished my top.

Tidleg opp

Familiepåskeferie betyr litt tidlege morgonar sjølv om vi har fri.
Eg deler rom med to små prinsesser som tenkte det var greitt å stå opp kl 0600. Å ligge stille i køysenga å kviskre med kvarandre var ikkje aktuelt for to søskenborn. Så då blei eg med opp for å leite etter barne-tv på kanalane.
Eg tok med meg dyna og surfar litt på sofaen. No sit det 7 tantebarn rundt meg, det varte ikkje så lenge før fleire av gjengen var oppe.
Barne-tv, Nintendo og origami er greie morgonsyslar. Og under dyna mi er det to par ekstra bein...
God palmesøndag!

E for...

(Bilde frå ETSY)

Etsy er ein internettstad for dei som vil selge heimelaga saker. Den vart starta i 2005 og har no over 100 000 selgarar med eigne butikkar.

Der inne kan du finne alt mulig. Også materiale til å lage ting. Det er enkelt å søke, og ein kan gå seg heilt vill i alle dei fine tinga. (Og vips så har ein visst handla litt...)

Du kan også gjere fargesøk.

(Bilde frå ETSY)

Eg har ikkje butikk der, men har laga meg ein konto slik at eg kan handle. Og eg har handla hos fleire selgarar. Både smykker, bilder, stoff og andre ting. Som regel kjem varene i posten i løpet av ei veke. Eg har handla frå selgarar i USA, Australia, Kypros.

Bildet i bakgrunnen her er frå butikken til Belle and Boo.
Her er nokre stoff frå Namolio.

Og så litt andre ting eg har handla... Ein fin kalender frå Paper&inkling (Bilde frå butikken)

Scrabblesmykker frå ThePendantFactory. (Bilde frå butikken)Det siste eg kjøpte var nokre stolbilder frå mywireempire (Bilde frå butikken)Ho hadde salg då eg var innom, så eg kjøpte to stolbilder og fekk eit gratis. Trur dei blir fine inramma på veggen min etterkvart :)

Eg går ikkje på handletur der inne heile tida altså, men det er spennande å vere innom av og til. Og så er det kjekt å støtte folk som likar å skape og som prøver å ha det meir eller mindre som leveveg. Ta dykk ein tur innom!

Fleire innlegg på bokstaven E finn de inne hos Petunia.

April allereie...

Litt slapt med blogging i det siste. Eg er straks klar med E-innlegget, men tar ei lita oppdatering på handarbeidsfronten først.

Det nærmar seg slutten på Topstykket mitt. Skal nok bli ferdig no i starten av påska tenker eg.

Svigerinne Gry hadde bursdag nettopp og er har liksom planlagt å lage ei jobbveske til henne i ait par år no. Denne gongen fekk eg endeleg fram symaskina i nokolunde rett tid.

Og så er eg i gang med eit nytt hekleprosjekt. Har hatt litt sekskant-abstinensar, så no er eg i gong med noko liknande.

Same start som med sekskantane, men det endar opp som kvadrat. Har beundra dette teppe og tenkte å få til noko som liknar. Trur eg er ganske nære. Skal prøve å skrive ned mønsteret og dele det her etterkvart.

No skal eg ut i fineveret. Det er påskeferie og etter ei lang natt på buss er eg i Ørsta igjen.

God helg alle saman!

-----------

This is what I've done lately. I'm allmost done with my top. Will finish it in a couple of days. I made a work bag for my SIL. Have planned to do that for a couple of years now, and this time I got my sewing machine in time for her birthday.

Last - I've been missing making hexagons. So I started a new afghan. Inspired by this.

It's squares this time, but the start is like the hexagons so it feels familiar. I will try to write down the pattern and share it here when I have the time...

Have a nice week end!

D

Tok litt tid å kome på eit høveleg ord på D. Men eg har bestemt meg for Dører.

Synest dei er så spennande, spesielt dei som har litt historie.

(Og litt praktisk var det at eg faktisk hadde ein del dørbilder liggande etter å ha vore på dørsafari her i byen og andre stadar...)

Her er nokre dører frå Posebyen.

Og her er nokre fleire frå Bergen.

Fleire D-ord finn de borte hos Petunia.

D for doors…

Shetland Triangle

Dette sjalet vart ferdig for ei stund sidan, men eg har visst gløymt å vise det fram.

Mitt første Shetland Triangle.

Mønsteret er av Evelyn A Clark og du finn det i boka “Wrap Style”

Eg tok bilda på veg heim frå jobb ein dag, så her har de sjalet både med og utan gul solnedgang :)

Eg har brukt ca akkurat eit nøste av Noro Kureyon Sock til dette.

-----------------

I’ve finished my first Shetland Triangle. The yarn is Noro Kuryon Sock.

C

C for Crocus Vernus

Måtte ty til latin for å finne passande ord på c. (Litt pysete kanskje?)

Kunne sjølvsagt ha analysert CD-samlinga mi…

eller fortalt at eg hadde Couscous-salat til middag i dag…

Men Crocus Vernus – altså vårkrokusane blomstrar så fint no i byen.

Og så artig det er med eit parkvesen som er kreative i laukplantinga si.

C is for Crocus. It is spring and these photos are from the town park. Nice to see the creativity in th planting :)

Favorittar på ein fredag

Friday favourites
Originally uploaded by solgrim

B

Eg har tenkt å bli med på Petunia sitt ABC-prosjekt. Fekk ikkje sveiva meg i gong med A forrige helg, men skal prøve å henge med vidare.

B for brukt og bruktbutikk. I dei siste åra har eg blitt ganske hekta på desse. Eg har store vanskar med å å gå forbi ein loppemarknad eller ein brukthandel, noko som famile og vener nok har oppdaga. Og skapa mine ber preg av det etter kvart. Dei er ganske fulle og nyare koppar og fat har blitt bytta ut til fordel for gamle saker. Eg likar ting med historie og saker eg kan bruke til å lage nye ting. Og så er det kjekt å ha noko som ein ikkje finn i alle sine skap.

Her i byen er eg mest innom Shalam og Gjenbruksbutikken i Tollbodgata. Var innom sistnemnte i går og fekk med meg desse sakene.

Her er litt fleire favorittar henta heim frå diverse butikkar og marknader…