K for knappar

Eg hugsar godt dei gongane eg fekk lov til å leike med knappeøska til mamma. Då kunne eg få full uttelling for systematikk-genet vi har i familien. Knappane blei sortert etter storleik, form, farge og mønster. Nokre gongar fann eg knappefamiliar med store foreldreknappar og små babyknappar som var nesten heilt like.

 

Så eg har sjølvsagt sørga for å starte mi eiga knappesamling. Knappar er fine, har mange mønster, kan brukast til pynt på vesker og nåler, dei blir fine ringar og så kan dei sjølvsagt også brukast som knappar.

 

Knappane mine kjem i to kategoriar. Dei gamle og stilige knappane (også kalla vintage) og nyare hobbyknappar.

Dei gamle knappane eg har kjem frå samlinga til farmor, antikvitetsbutikkar, loppemarknadar og slikt.

Eg er sjølvsagt mest glad i dei gamle, og det bør vere eit heilt spesielt prosjekt som får slike knappar…

Glasknappane er dei penaste.

Fleire Innlegg om K hos Petunia.

PS: Eg var på kino i går og såg Coraline i 3D. Kan anbefalast. Knappar spelar ei viktig rolle også der…

På Coraline.com kan du også knappifiserere augene dine.

-----------------

K is for knappar, or buttons in english. I remember playing with my mothers buttons a long time ago. So I had to start collecting my own buttons :)