18. + 19. + 20.

Det blei visst eit par dagars pause her. Har vore på besøk utan nett-tilgang. Og i går vart det litt fort kvelden…

Tenkte eg skulle vise dykk nokre enkle papirkransar i dag. Dei kan brettast av alt slags papir. Farga, mønstra, gamle julekornotar etc. etc. Eg har printa ut bilder av gamle papir og notar (fins fleire gratisbilder på nettet) og brukt det også.

  Lagar du kransane små passar dei på jultreet, lagar du dei større kan dei henge andre stadar.

Først må du kutte papiret i ønska storleik. Du må lage 8 rektangel som er halvparten så breide som lange.

Eg laga mine 5 x 10 cm denne gongen. Det gir kransar som er ca. 10 cm i diameter.

Brett papiret på langs.

Brett dei øverste hjørna ned til brettekanten.

Brett spissane mot kvarandre.

Brett alle 8 lappane på samme måte.

 

No skal du ha ein slik figur. Legg merke til “lommene” på toppen. Hald den første delen slik.

Stikk neste del inn i “lommene” så langt den går.

Slik:

Hald fram med dei andre delane på samme måte. Den første delen stikk du inn i lommene på den åttande til slutt.

Då er kransen ferdig.

Det kan vere lurt å feste delane med litt lim også.

No er det snart middag, og i kveld tenkte eg å lage sjokolade-pistasj-biscotti. Skal tru om det er godt?