2.

Bilder

Eg har alltid likt å ha mange bilder på veggane mine. Og kvar gong eg har flytta ser at haugen veks – ikkje nok med ei kasse no lenger. For smaken har endra seg, og mange av bilda som hang på veggane mine på 90-talet har havna i kasser.

No som eg har fått nytt husvære  startar eg på ein måte med blanke ark. Og no med mykje fleire “blanke ark” enn eg har hatt på lenge. Opptil fleire rom med god veggplass.

Så då må eg nok planlegge litt. Kvar skal ting hengast? Ser for meg at det er lurt å ha ein plan, før eg startar med hammar og spiker. Kjedeleg med hol på feil plass på heilt nye veggar…

Dei siste åra har eg kjøpt ein del trykk på Etsy som eg gler meg til å få i glas og ramme. Og så har eg samla meg ein haug med gamle rammer som skal brukast. Det vert nok kjekt å halde på med utover vinteren.

Men det eg vil vise fram idag er på ein måte bilder, men ikkje heilt likevel…

Les de bloggen til dottie angel?

Eg snubla over den får nokre år sidan og har vore følgar sidan. Blir inspirert av bilda og prosjekta hennar, og så skriv ho så artig. Etsybutikk har ho også, og då eg såg kjøkkenhandklea ho har fått laga var eg ikkje sein med å trykke buy. Måtte berre ha dei.

Reglane hennar passar meg perfekt!

Så desse kjøkkenhandklea kjem vel neppe til å tørke oppvasken min, dei havnar kanskje heller på ein vegg…

(Har ikkje hatt tid til å finne fram strykejarnet som de ser.)

------------------

Look at my new tea towels. Just perfect.

They will probably end up on one of my walls… I will iron them first, I promise!

They’re from dottie angel’s shop.