Harlekinteppe

Her er harlekinteppet mitt. Eg har sett fleire slike rundt omkring, og eg har laga romber før… Denne gongen ville eg prøve å finne ein "flat" måte å hekle rombene saman på.

Eg har brukt mitt gamle rombemønster. Teppet er ca 75 x 80 cm.

Og eg har brukt Smart/Karisma/Falk og 4 mm heklenål. Du kan sjølvsagt bruke det garnet du vil og heklenål som høyrer til. Og lage teppet så stort du vil :)

Lag så mange du treng av desse formene:

I teppet mitt brukte eg 38 av desse…

… 8 av desse…

… og 12 av desse…

Legg dei i det mønsteret du vil ha (Beklager dette dårlege bildet… det var mørketid…)

No er det tid for samanhekling. Samanheklinga skjer i dei diagonale linjene, som du ser. Hekle saman med å hekle 2 fastmasker i kvar rad, og hekle ned den eine sida først. I mellom rombene heklar du 3 luftmasker. Når du kom til kanten heklar du 2 luftmasker før du snur arbeidet. No skal det heklast attende til startpunktet, og rombene på andre sida skal heklast fast.

Du skal halde fram med å hekle 2 fastmasker i kvar rad, men i mellom dei to fm skal du hekte fast til romba på motsett side.

Slik:

Etter å ha hekla 2 fm, ta løkka av heklekroken. Stikk heklekroken gjennom maska mellom 2 rader på motsett side. Ta løkka attende på kroken, dra igjennom maska, og hekle vidare med fastmasker.

Pilene her viser kvar du vil feste rombene i kvarandre (der du vil dra løkka gjennom maska).

I kryssa (der du har 2 x 3 luftmasker) hekalr du 1 lm, 1 lm over luftmaskene, 1 lm.

Hald fram som dette til du har festa alle rombene.

Eg laga ein enkel bord rundt til slutt. Først ei rad med fastmasker, så ein omgong med stavar. Til slutt ei rad med vifter.

Håpar nokon prøver seg på mønsteret, og at det er forståeleg nok :)

Lykke til!