Ikkje så mykje å velge mellom på bokstaven Q.
Det bli quilting for meg også.
Eg har laga nokre tepper. Nokre av dei er litt juksequiltar, med lappe-farmside og fleece bak (og ikkje forside+vatt+bakside som i ein skikkeleg quilt).
Eg har mest quilta teppa mine med rette linjer, men ønsker å bli flinkare til frihandsquilting. Det har eg berre prøvd meg litt på, rundt kanten på miniquilten under her.
Fleire innlegg om Q finn de her.
Sånn såg det ut på verandaen min i dag. Eg skal flytte frå sørlandet, og starta med pakking her heime i dag. Begynte med å gå gjennom nokre kasser har stått ei stund. Det blei litt mimring då.
Fann ut at det var på tide å slanke permane frå studiet; og pedagogikkbøkene havnar også andre stader no.
Og sjå kva eg fann: Klistremerkesamlinga mi. Frå den gong det ikkje var så mange klistremerker i omløp. I alle fall ikkje der eg budde. Og vi gjekk ikkje og kjøpte dei akkurat. Så her i boksa har vi klistremerker om alt frå traktorar, lyktestolpar, støvsugarar til skomerke og melk…
Litt historie bak nokre av merka såg eg. Og vi kan kanskje regne dei som antikvitetar no? Dei er frå forrige århundre…
Sjå berre:
Tyggisklistremerker, m.a. med John Travolta. Det var då Grease kom, og eg fekk aldri med meg heilt kva det var sidan eg ikkje var gammal nok til å sjå den på kino.
Andre kule folk på den tida var visst, Bee Gees, Boney M og Smokie…
Og eit merke frå VM i Oslo i –82.
Og skolesvømmingen som eg ikkje kan hugse at eg var med på…
Og “Varig vern av Alta-Kautokeinovassdraget”… (Vi budde i Karasjok på den tida.)
Nokon som hadde atOmic jeans? Trur eg berre hadde klistremerket…
Kva samla du på? Har du enno ei samling frå fordums dager i ei av kassene dine?
Eg nyt jonsok-kvelden frå sofakroken og strikkar litt på eit baktus-skjerf. Meir rydding (og kanskje meir mimring) i morgon.
Ha ein fin jonsokkveld :)
-----
I’m moving this summer and have started packing in my flat. Had to go through some old boxes first. Lots af papers and books I don’t need anymore…
And I also came across my old stickers collection. From way back in another century…
Lots of memories there…
Eg tok ein tur til dvd-hylla for bokstaven P…. For kven kan vel gløyme desse karane med navn på P:
Pompel og Pilt!
Vart du skræmt no?!
Dei to reparatørane har satt djupe spor i ein generasjon. Eg hugsar det var skummelt, men vi satt og såg likevel. Serien var laga av Bjørg og Arne mykle og den hadde berre 5 episoder. Den vart første gong sendt i 1969 og så reprise 4 gonger før NRK fann ut at den ikkje var eigna for barn. Etter ti år blei den sendt ein gong til (etter press frå publikum).
Kva i all verden betyr pre-ironisk?? Her hos Christins mimreside kan du lese meir om serien (og om mange andre gamle Barne-TV-heltar.)
Visste du forresten at karane eigentleg hadde oransje frakkar:
Og du kan altså kjøpe dvd no for tida. Den har eg, men eg tør ikkje sjå den for ofte…
Her kan de sjå eit klipp. Eg fekk ikkje lagt det inn i dag.
Bilda her har eg lånt frå nrk og Christins mimreside.
Fleire innlegg om P finn de her.
Eg har fått lov av Beata frå Rose Hip Til å oversette blomsterkvadrat-oppskrifta hennar. Så då gjer eg eit forsøk…
Start: 4 lm, 1 kjm i 1. lm.
1. runde: 4 lm (regnast som 1 st, 1 lm), * 1 st i ringen, 1 lm ** , repeter * til ** 6 gonger. Fest med kjm i 3. lm i første lm-stav. No skal du ha 8 lm-buer. Slutt med denne fargen.
2. runde: (Ny farge) Start i ei av lm-buene. * 1 fm, 3 st, 1 fm ** i lm-bua; repeter * til ** i dei neste 7 lm-buene. Fest med kjm i første fm. No skal du ha 8 små kronblad rundt midten.
3. runde: 1 lm, (og no skal du arbeide bak dei første kronblada), 1 kjm i basen (#) til den siste fm i forrige runde. 4 lm, 1 fm i basen til neste fm (mellom dei neste to kronblada), * 3 lm, 1 fm i neste fm-base (mellom neste 2 kronblad) **; repeter * til ** 5 gonger, 3 lm, 1 kjm i første lm i 4 lm i starten. No skal du ha ei lm-bue bak alle kronblada frå runde 2.
4. runde: 1 lm, * 1 fm, 5 st, 1 lm ** i første lm-bue; repeter * til ** i alle lm-buene. Avslutt med kjm i første fm. Slutt med denne fargen.
5. runde: (No skal du lage bakgrunn bak kronblada) Start med ny farge i basen (#) til ei av fm i forrige runde. 3 lm (reknast som 1 st), 2 st i same fm, 1 lm. I neste fm-base (mellom neste 2 kronblad) * 3 st, 1 lm, 3 st (hjørne), 1 lm, 3 st i neste fm-base, 1 lm**; repeter * til ** 3 gonger, slutt med kjm i toppen av første stav.
6. runde: 1 lm, * 1 fm i neste tre st, 1 fm i lm-bue, 1 fm i neste tre st, 3 fm i hjørne-lm-bue, 1 fm i neste 3 st, 1 fm i lm-bue **; repeter * til ** 3 gonger, slutt med 1 kjm i første fm.
Eg har avslutta med ei 7. runde i kvitt; då heklar du 1 fm i alle fm og 3 fm i hjørnene.
(#) Basen av fm vil seie den delen av fm som går rundt lm-bua.
Originalen på engelsk finn du her.
Håper de gjer eit forsøk. Sei ifrå dersom de finn feil nokon stad :)
This a translation of a crochet pattern from Rose Hip.
No er det slutten på eit skuleår, og tid for rydding. I alle fall for slike som meg som sparar og sparar på allverdens saker og ting gjennom skuleåret (-åra…) Kjekt å ha…osv…
Klassa skal inn i nytt rom byttast og då må det gamle tømmast. I år vert det ekstra mykje rydding for meg, sidan eg skal ta til på ein ny arbeidsplass til hausten. Eg har som regel den mest overfyllte kontorpulten… Men no får eg verkeleg høve til å kvitte meg med unødvendige saker og ting. Det er i alle fall målet.
Så dette er rydde-litt-på-pulten-og-kaste-litt-papir-føtene mine i dag. Det er mange fleire papirbunkar å sjå gjennom :)
Gjorde ferdig denne veska etter jobb i dag. Eg begynner å bli god på desse veskene no, synest eg. Eg har laga 4 i lin, denne gongen vart ein raud variant som de ser, bestilling frå ein korkollega.
Og sjå: Regulerbar reim! Ein smule avansert, ikkje sant? (*smilar fornøgd*)
Todays feet are me trying to tidy my office space at work. So many papers to go through and throw away…
I finished this bag today. A friend wanted a red bag. It’s another messenger bag, I’ve made many in linen before. And look: An adjustable strap! I’m really pleased I found out how to make that. (Not very complicated, after all…)
Merete dreg i gong med ei ny veke med Nordiske føtter no.
Dette er den siste veka før sommarferien, og det er vel den veka føtene får gått mest på jobb. Det har i alle fall vore slik dei fleste åra eg har jobba i skulen. No skal det ryddast, byttast klasserom og kontor og det vert ein del vandring i gangane – fram og tilbake med kasser og utstyr.
Men no i helga har vi slappa av, føtene og eg…
Ha ei fin nesten-sommarferie-veke!
It’s a new week looking at our Nordic feet. It’s the last week before summer, which is the busiest week in school. We’re changing classrooms and office and there’s a lot of tidying up and carrying stuff from one room to another. And a lot of walking…
Have a nice week!
Eg har trekt ut ein vinnar mellom dei 21 som la igjen kommentar på bursdagsinnlegget mitt. Og den heldige vart nr 16 : Beate.
Ho må sende meg ein e-post med adressa si, og så skal eg få sendt ein premie avgarde etterkvart.
(Så fort eg får det til, denne siste veka før ferien blir hektisk…)
O for Opera! Og då spesielt den nye Operaen i Oslo.
Eg har enno ikkje vore på noko forestilling i det nye bygget, men håpar eg får høve til det snart. Enn så lenge får eg nøye meg med operamusikk på cd, og spaserturar i området når eg er på Oslotur.
Desse bilda er frå spaserturar der i mai og juni ifjor.
Kan de sjå fotografen?
Fine detaljar både ute og inne.
Solnedgang
Fleire o-innlegg her.
… når eg går i mine gylne sko…
Nei, eg har ikkje akkurat gått rundt og tenkt at eg treng eit par gullsko. Men eg stakk innom bruktbutikken på torsdag, og der stod det eit par.
(Vær så snill og oversjå mine vinterbleike bein.)
Eit par andre saker blei også med meg:
Dette freshe dynetrekket som eg tenker kan bli til både det eine og det andre,
og denne koselege Hans og Grete-tallerkenen frå Figgjo.
PS: De tåler kanskje eit gjensyn med andre i gullsko?….
-------
My latest thriftshop finds. Yes, I now have golden shoes :)
N for Natt-og-dag (som eg kallar den eller Stemorsblomst som den heiter i bøkene…).
Ein av dei finaste vårblomstarne etter mi meining.
Denne fantastiske marka fann eg rett ved sidan av skulen min i fjor. Dessverre vart ho pløyd i år, så då kom det ingen blomstrar.
Visste de at dei mørke stripene på kronblada er “landingsstriper” for insekt? Stripene og den gule fargen viser insekta tydeleg kvar dei skal lande for å få tak i nektar (og pollen slik at dei gjer jobben sin).
Navnet “Natt og dag” kjem av fargane på kronblada; den lyse dagen nede og den mørke natta oppe.
Navnet Stemorsblomst finst i fleire land. Forklaringa på det er slik: Det største kronbladet er stemora. Ho sit på to krakkar (to begerblad) og har rømmegrautfatet (den gule flekken) i fanget. Hennar eigne døtre (kronblada på sidene) har ein stol (eit begerblad) kvar og dei får også litt rømmergraut (litt gult på dei), medan dei to stedøtrene (dei øverste kronblada) har ein stol (eit begerblad) på deling, og dei får ikkje graut.
Fleire innlegg om N hos Petunia.
